ਉਤਰਾਖੰਡ ਦੇ ਰੁਦਰਪ੍ਰਯਾਗ ਜ਼ਿਲ੍ਹੇ ‘ਚ ਕੇਦਾਰਨਾਥ ਲਈ ਜਾ ਰਿਹਾ ਇੱਕ ਹੈਲੀਕਾਪਟਰ ਅਚਾਨਕ ਗੌਰੀਕੁੰਡ ਦੇ ਜੰਗਲਾਂ ਵਿੱਚ ਕਰੈਸ਼ ਹੋ ਗਿਆ। ਇਹ Kedarnath Helicopter Accident ਸਵੇਰੇ ਲਗਭਗ 5:20 ਵਜੇ ਵਾਪਰਿਆ, ਜਿਸ ਵਿੱਚ ਸਾਰੇ 7 ਲੋਕਾਂ ਦੀ ਮੌਕੇ ‘ਤੇ ਮੌਤ ਹੋ ਗਈ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਹਾਦਸਾਗ੍ਰਸਤ ਹੈਲੀਕਾਪਟਰ Aarav Aviation Company ਨਾਲ ਸਬੰਧਤ ਸੀ। ਹਾਦਸਾ ਗੌਰੀਕੁੰਡ ਅਤੇ ਤ੍ਰਿਜੁਗੀਨਾਰਾਇਣ ਵਿਚਕਾਰ ਵਾਪਰਿਆ ਅਤੇ ਮੁੱਖ ਕਾਰਣ ਖਰਾਬ ਮੌਸਮ ਦੱਸਿਆ ਜਾ ਰਿਹਾ ਹੈ।
ਉੱਚ ਅਧਿਕਾਰੀ ਅਤੇ ਮੁੱਖ ਮੰਤਰੀ ਨੇ ਦਿੱਤਾ ਬਿਆਨ
ਉੱਤਰਾਖੰਡ ਦੇ ਏਡੀਜੀ ਕਾਨੂੰਨ-ਵਿਵਸਥਾ ਡਾ. ਵੀ. ਮੁਰੂਗੇਸ਼ਨ ਨੇ ਹਾਦਸੇ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਹ ਹੈਲੀਕਾਪਟਰ ਦੇਹਰਾਦੂਨ ਤੋਂ ਕੇਦਾਰਨਾਥ ਜਾ ਰਿਹਾ ਸੀ। ਉਨ੍ਹਾਂ ਕਿਹਾ ਕਿ ਬਚਾਅ ਟੀਮਾਂ, ਐਸ.ਡੀ.ਆਰ.ਐਫ. ਅਤੇ ਸਥਾਨਕ ਪ੍ਰਸ਼ਾਸਨ ਨੇ ਰਾਹਤ ਕਾਰਜ ਸ਼ੁਰੂ ਕਰ ਦਿੱਤਾ ਹੈ।
ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਘਟਨਾ ‘ਤੇ ਗਹਿਰੀ ਚਿੰਤਾ ਜਤਾਈ ਅਤੇ ਮ੍ਰਿਤਕਾਂ ਦੇ ਪਰਿਵਾਰਾਂ ਲਈ ਦੁੱਖ ਪ੍ਰਗਟਾਇਆ।
ਚਾਰਧਾਮ ਯਾਤਰਾ ਦੌਰਾਨ ਵਧ ਰਹੇ ਨੇ Helicopter Accidents
ਇਹ ਕੋਈ ਪਹਿਲਾ ਹਾਦਸਾ ਨਹੀਂ ਹੈ। Char Dham Yatra ਦੌਰਾਨ ਪਹਿਲਾਂ ਵੀ ਕਈ ਵਾਰ ਐਮਰਜੈਂਸੀ ਲੈਂਡਿੰਗ ਜਾਂ ਹਾਦਸੇ ਵਾਪਰ ਚੁੱਕੇ ਹਨ। ਹਾਲ ਹੀ ਵਿੱਚ ਇੱਕ ਹੋਰ ਹੈਲੀਕਾਪਟਰ ਸੜਕ ਦੇ ਵਿਚਕਾਰ ਡਿੱਗ ਗਿਆ ਸੀ।
ਚਾਰਧਾਮ ਯਾਤਰਾ ਦੀ ਸ਼ੁਰੂਆਤ ਦੌਰਾਨ ਵੀ ਇੱਕ ਹੋਰ Kedarnath Helicopter Crash ਹੋਇਆ ਸੀ ਜਿਸ ਵਿੱਚ ਕਈ ਯਾਤਰੀਆਂ ਦੀ ਜਾਨ ਚਲੀ ਗਈ ਸੀ।
ਇਹ ਵੀ ਪੜ੍ਹੋ – ਪੰਜਾਬ ‘ਚ ਸਰਹੱਦੀ ਘਰਾਂ ਨੂੰ ਮਿਲੇਗਾ ਮੁਆਵਜ਼ਾ, ਮੋਦੀ ਸਰਕਾਰ ਨੇ ਕੀਤਾ ਵੱਡਾ ਐਲਾਨ
ਡੀਜੀਸੀਏ ਵੱਲੋਂ ਨਵੇਂ ਨਿਯਮ ਅਤੇ ਉਡਾਣਾਂ ਵਿੱਚ ਕਟੌਤੀ
ਇੰਨਾਂ ਘਟਨਾਵਾਂ ਨੂੰ ਧਿਆਨ ਵਿੱਚ ਰੱਖਦਿਆਂ, DGCA (Directorate General of Civil Aviation) ਵੱਲੋਂ ਕਈ ਕਦਮ ਚੁੱਕੇ ਗਏ ਹਨ।
ਹੁਣ Kedarnath Route ‘ਤੇ ਹੈਲੀਕਾਪਟਰ ਉਡਾਣਾਂ ਦੀ ਗਿਣਤੀ ਵੱਧ ਸਾਵਧਾਨੀ ਨਾਲ ਨਿਯੰਤ੍ਰਿਤ ਕੀਤੀ ਜਾ ਰਹੀ ਹੈ।
ਨਵੇਂ ਨਿਯਮਾਂ ਅਨੁਸਾਰ:
- ਇੱਕ ਹੈਲੀਕਾਪਟਰ ਹੁਣ ਗੁਪਤਕਾਸ਼ੀ ਤੋਂ ਇੱਕ ਘੰਟੇ ਵਿੱਚ ਕੇਵਲ 2 ਵਾਰ ਉਡਾਣ ਕਰ ਸਕੇਗਾ।
- ਰੋਜ਼ਾਨਾ ਹੈਲੀਕਾਪਟਰਾਂ ਦੀ ਉਡਾਣ ਗਿਣਤੀ 200–250 ਤੋਂ ਘਟਾ ਕੇ 60 ਚੱਕਰ ਤੱਕ ਰੱਖੀ ਗਈ ਹੈ।
- ਕੁੱਲ 8 ਘੰਟਿਆਂ ਵਿੱਚ ਇੱਕ ਹੈਲੀਕਾਪਟਰ ਵੱਧ ਤੋਂ ਵੱਧ 16 ਉਡਾਣਾਂ ਕਰ ਸਕੇਗਾ।
ਯਾਤਰੀ ਸਾਵਧਾਨ ਰਹਿਣ
ਇਸ ਤਾਜ਼ਾ Kedarnath Helicopter Accident ਨੇ ਸਾਵਧਾਨੀ ਅਤੇ ਸੁਰੱਖਿਆ ਦੇ ਮਿਆਰਾਂ ਦੀ ਗੰਭੀਰਤਾ ਨੂੰ ਇੱਕ ਵਾਰ ਫਿਰ ਸਾਮ੍ਹਣੇ ਰੱਖ ਦਿੱਤਾ ਹੈ। ਸਰਕਾਰ ਅਤੇ ਏਵੀਏਸ਼ਨ ਅਥਾਰਿਟੀ ਨੂੰ ਲੋੜ ਹੈ ਕਿ ਹਵਾਈ ਯਾਤਰਾ ਦੌਰਾਨ ਸੁਰੱਖਿਆ ਨਿਯਮਾਂ ਦੀ ਪੂਰੀ ਪਾਬੰਦੀ ਕਰਵਾਈ ਜਾਵੇ।
ਇਹ ਵੀ ਪੜ੍ਹੋ – IPL 2025 Final: ਅੱਜ RCB vs PBKS ਦੀ ਇਤਿਹਾਸਕ ਟੱਕਰ – ਮੈਚ ਸਮਾਂ, ਮੌਸਮ ਅਨੁਮਾਨ ਜਾਣੋ
ISI ਲਈ ਜਾਸੂਸੀ ਕਰ ਰਿਹਾ ਸੀ ਕੈਥਲ ਦਾ ਨੌਜਵਾਨ, “ਸਿੰਦੂਰ ਆਪਰੇਸ਼ਨ” ਦੀ ਜਾਣਕਾਰੀ ਕਰਦਾ ਸੀ ਲੀਕ
