ਕਣਕ ਦੀ ਪੱਕੀ ਫ਼ਸਲ ਲਈ ਵਧ ਰਿਹਾ ਅਣਜਾਣ ਖ਼ਤਰਾ, ਕਿਸਾਨ ਰਹਿਣ ਸਚੇਤ: ਬਿਜਲੀ ਵਿਭਾਗ ਵੱਲੋਂ ਦਿੱਤੇ ਸਾਵਧਾਨੀ ਸੰਦੇਸ਼
ਪੰਜਾਬ ‘ਚ ਮੌਸਮ ਰੁਖ ਬਦਲ ਰਿਹਾ ਹੈ ਅਤੇ ਇਸ ਤਬਦੀਲੀ ਨੇ ਖੇਤੀਬਾੜੀ ‘ਤੇ ਅਸਰ ਪਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਹਾੜੀ ਦੀ ਕਣਕ ਹੁਣ ਤਿਆਰ ਹੋਣ ਦੇ ਅੰਤਿਮ ਪੜਾਅ ਵਿੱਚ ਹੈ, ਪਰ ਉੱਚਾ ਤਾਪਮਾਨ ਅਤੇ ਸੂਖੀ ਹਵਾ ਇਹ ਫਸਲ ਕਿਸੇ ਵੀ ਸਮੇਂ ਖ਼ਤਰੇ ਵਿੱਚ ਪਾ ਸਕਦੀ ਹੈ। ਅਜਿਹੇ ਹਾਲਾਤਾਂ ਵਿੱਚ ਥੋੜ੍ਹੀ ਜਿਹੀ ਬੇਧਿਆਨੀ ਵੀ ਕਿਸਾਨ ਦੀ ਸਾਲ ਭਰ ਦੀ ਮਿਹਨਤ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ।
ਕਣਕ ਦੀ ਕਟਾਈ ਦੇ ਸੀਜ਼ਨ ਵਿੱਚ ਆਗ ਲੱਗਣ ਦਾ ਡਰ ਵੱਧ ਗਿਆ
ਬਿਜਲੀ ਵਿਭਾਗ ਵੱਲੋਂ ਕਿਸਾਨਾਂ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਅਗਲੇ ਕੁਝ ਦਿਨਾਂ ਵਿੱਚ ਕਣਕ ਪੂਰੀ ਤਰ੍ਹਾਂ ਪੱਕ ਕੇ ਕਟਾਈ ਲਈ ਤਿਆਰ ਹੋ ਜਾਵੇਗੀ। ਉਚੀ ਤਾਪਮਾਨ ਦੇ ਚਲਦੇ ਖੇਤਾਂ ‘ਚ ਖੜੀ ਫਸਲ ਬਹੁਤ ਤੇਜ਼ੀ ਨਾਲ ਸੁੱਕ ਜਾਂਦੀ ਹੈ, ਜਿਸ ਕਾਰਨ ਉਹ ਅੱਗ ਲੱਗਣ ਦੀ ਸੰਭਾਵਨਾ ਵਧਾ ਦਿੰਦੀ ਹੈ।
ਟਰਾਂਸਫ਼ਾਰਮਰਾਂ ਅਤੇ ਹਵਾਵਾਂ ਕਰ ਸਕਦੀਆਂ ਨੇ ਵੱਡਾ ਨੁਕਸਾਨ
ਬਿਜਲੀ ਦੇ ਟਰਾਂਸਫ਼ਾਰਮਰਾਂ ਤੋਂ ਕਈ ਵਾਰ ਚਿੰਗਾਰੀਆਂ ਨਿਕਲਦੀਆਂ ਹਨ, ਜੋ ਕਿ ਖੇਤਾਂ ਵਿੱਚ ਸੁੱਕੀ ਫਸਲ ਨੂੰ ਅੱਗ ਲਾ ਸਕਦੀਆਂ ਹਨ। ਅਪ੍ਰੈਲ ਦੇ ਮਹੀਨੇ ਵਿੱਚ ਹਵਾਵਾਂ ਵੀ ਤੇਜ਼ ਚਲਦੀਆਂ ਹਨ, ਜੋ ਕਿ ਅੱਗ ਨੂੰ ਇੱਕ ਖੇਤ ਤੋਂ ਦੂਜੇ ਖੇਤ ਤੱਕ ਫੈਲਾਉਣ ਵਿੱਚ ਮਦਦ ਕਰਦੀਆਂ ਹਨ।
ਇਹ ਵੀ ਪੜ੍ਹੋ – 10 ਅਪ੍ਰੈਲ ਨੂੰ ਪੰਜਾਬ ਦੇ ਸੰਗਰੂਰ ‘ਚ ਮਾਸ ਤੇ ਮੱਛੀ ਦੀਆਂ ਦੁਕਾਨਾਂ ‘ਤੇ ਲੱਗੀ ਪਾਬੰਦੀ, ਜਾਣੋ ਕਾਰਨ
ਇਹੀ ਕਾਰਨ ਹੈ ਕਿ ਬਿਜਲੀ ਵਿਭਾਗ ਵੱਲੋਂ ਕਿਸਾਨਾਂ ਲਈ ਕਈ ਜ਼ਰੂਰੀ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ, ਤਾਂ ਜੋ ਫਸਲ ਨੂੰ ਅੱਗ ਤੋਂ ਬਚਾਇਆ ਜਾ ਸਕੇ।
ਸੁਰੱਖਿਆ ਲਈ ਕਿਸਾਨਾਂ ਨੂੰ ਦਿੱਤੇ ਨਵੇਂ ਨਿਰਦੇਸ਼
ਪਾਵਰਕਾਮ ਵਿਭਾਗ ਦੇ ਅਧਿਕਾਰੀ ਜਸਵਿੰਦਰ ਪਾਲ ਸਿੰਘ ਵੱਲੋਂ ਦਿੱਤੇ ਨਿਰਦੇਸ਼ਾਂ ਅਨੁਸਾਰ:
- ਖੇਤਾਂ ਵਿੱਚ ਜਿੱਥੇ ਬਿਜਲੀ ਟਰਾਂਸਫ਼ਾਰਮਰ ਲਗੇ ਹੋਏ ਹਨ, ਉਨ੍ਹਾਂ ਦੇ ਆਸ-ਪਾਸ ਕਮਾਈ ਵਾਲੀ ਜ਼ਮੀਨ ਨੂੰ ਘੱਟੋ-ਘੱਟ 10 ਫੁੱਟ ਤੱਕ ਖਾਲੀ ਅਤੇ ਸਾਫ਼ ਰੱਖਿਆ ਜਾਵੇ।
- ਜਿੱਥੇ ਟਿਊਬਵੈੱਲ ਲਗਾਏ ਹੋਏ ਹਨ, ਉਥੇ ਟੈਂਕ ਵਿੱਚ ਪਾਣੀ ਇਕੱਠਾ ਰੱਖਿਆ ਜਾਵੇ, ਤਾਂ ਜੋ ਅੱਗ ਲੱਗਣ ਦੀ ਸਥਿਤੀ ਵਿੱਚ ਤੁਰੰਤ ਵਰਤਿਆ ਜਾ ਸਕੇ।
ਕਿਸਾਨ ਰਹਿਣ ਸਚੇਤ, ਤਾਂ ਹੀ ਬਚੇਗੀ ਮਹੀਨਿਆਂ ਦੀ ਮਿਹਨਤ
ਇਹ ਸਮਾਂ ਕਿਸਾਨਾਂ ਲਈ ਬਹੁਤ ਹੀ ਜ਼ਰੂਰੀ ਹੈ ਕਿ ਉਹ ਹਰ ਪਾਸੇ ਤੋਂ ਸਾਵਧਾਨ ਰਹਿਣ। ਖੇਤਾਂ ਦੀ ਨਿਗਰਾਨੀ ਕਰਨਾ, ਬਿਜਲੀ ਸੰਬੰਧੀ ਥਾਵਾਂ ਦੀ ਜਾਂਚ ਕਰਨੀ ਅਤੇ ਬਿਜਲੀ ਵਿਭਾਗ ਵੱਲੋਂ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨੀ – ਇਹ ਸਾਰੇ ਕਦਮ ਕਿਸਾਨ ਦੀ ਫਸਲ ਨੂੰ ਆਫਤ ਤੋਂ ਬਚਾ ਸਕਦੇ ਹਨ।
ਇਹ ਵੀ ਪੜ੍ਹੋ –
