ਮੌਸਮ ਵਿਭਾਗ ਵੱਲੋਂ ਅੱਜ 24 May ਲਈ ਤੇਜ਼ ਹਵਾਵਾਂ ਅਤੇ ਭਾਰੀ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਇਸ ਤਹਿਤ, ਪੰਜਾਬ ‘ਚ ਸ਼ਾਮ ਵੱਲ ਮੌਸਮ ਖਰਾਬ ਹੋਣ ਅਤੇ 70 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣ ਦੀ ਸੰਭਾਵਨਾ ਜਤਾਈ ਗਈ ਹੈ। ਮੌਸਮ ਵਿਭਾਗ ਨੇ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਰਹਿਣ ਦੀ ਸਲਾਹ ਦਿੱਤੀ ਹੈ। ਓਰੰਜ਼ ਅਲਰਟ ਦੇ ਅਰਥ ਹਨ ਕਿ ਮੌਸਮ ਖਤਰਨਾਕ ਹੋ ਸਕਦਾ ਹੈ ਅਤੇ ਇਸ ਦੌਰਾਨ ਘਰ ਤੋਂ ਬਾਹਰ ਨਿਕਲਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਪੰਜਾਬ ‘ਚ ਅੱਜ ਮੀਂਹ ਨਾਲ ਹਵਾਵਾਂ ਦੀ ਸੰਭਾਵਨਾ
India Meteorological Department (ਭਾਰਤੀ ਮੌਸਮ ਵਿਭਾਗ) ਦੇ ਸੀਨੀਅਰ ਵਿਗਿਆਨੀ ਡਾ. ਆਰ. ਕੇ. ਜੇਨਾਮਣੀ ਨੇ ਦੱਸਿਆ ਕਿ ਅੱਜ ਤੇਜ਼ ਹਵਾਵਾਂ (60 ਕਿਮੀ/ਘੰਟਾ) ਦੇ ਚੱਲਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਅਨੁਸਾਰ 25 ਅਤੇ 26 ਮਈ ਨੂੰ ਭਾਰੀ ਮੀਂਹ ਹੋ ਸਕਦੀ ਹੈ, ਜਦਕਿ 27 ਅਤੇ 28 ਮਈ ਨੂੰ ਹਲਕੀ ਬਾਰਿਸ਼ ਹੋਣ ਦੀ ਉਮੀਦ ਹੈ। 29 ਮਈ ਤੱਕ ਮਾਘਲਾਛਾਇਆ ਮੌਸਮ ਬਣਿਆ ਰਹੇਗਾ।
ਦੱਖਣੀ ਭਾਰਤ ਅਤੇ ਪੂਰਬੀ ਰਾਜਾਂ ਵਿੱਚ ਵੀ ਭਾਰੀ ਮੀਂਹ ਦੀ ਚੇਤਾਵਨੀ
ਕੋਂਕਣ ਅਤੇ ਗੋਆ, ਅਸਾਮ, ਮੇਘਾਲਿਆ, ਤੱਟੀ ਕਰਨਾਟਕ, ਕੇਰਲ, ਮਾਧੇ ਮਹਾਰਾਸ਼ਟਰ, ਛੱਤੀਸਗੜ੍ਹ, ਉੜੀਸਾ, ਮਰਾਠਵਾੜਾ, ਵਿਦਰਭ ਅਤੇ ਤਾਮਿਲਨਾਡੂ ਸਮੇਤ ਕਈ ਰਾਜਾਂ ‘ਚ ਭਾਰੀ ਤੋਂ ਬਹੁਤ ਭਾਰੀ ਮੀਂਹ (Heavy to Very Heavy Rainfall) ਹੋਣ ਦੀ ਸੰਭਾਵਨਾ ਹੈ।
ਗਰਜ-ਤੂਫਾਨ ਅਤੇ ਹਵਾਵਾਂ ਦੀ ਰਫ਼ਤਾਰ ਵਿੱਚ ਵਾਧਾ
ਮੱਧ ਪ੍ਰਦੇਸ਼, ਰਾਜਸਥਾਨ, ਸੌਰਾਸ਼ਟਰ, ਕੱਛ, ਗੁਜਰਾਤ ਅਤੇ ਪੂਰਬੀ ਉੱਤਰ ਪ੍ਰਦੇਸ਼ ਵਿੱਚ 50 ਤੋਂ 60 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲ ਸਕਦੀਆਂ ਹਨ। ਇਨ੍ਹਾਂ ਰਾਜਾਂ ‘ਚ ਗਰਜ-ਤੂਫ਼ਾਨ (Thunderstorm) ਆ ਸਕਦਾ ਹੈ।
ਭਾਰਤੀ ਰਾਜ ਜਿੱਥੇ ਹੋ ਸਕਦੀ ਹੈ ਮੀਂਹ ਨਾਲ ਤੂਫ਼ਾਨ
ਉੱਤਰਾਖੰਡ, ਪੰਜਾਬ, ਹਰਿਆਣਾ, ਚੰਡੀਗੜ੍ਹ, ਦਿੱਲੀ, ਹਿਮਾਚਲ ਪ੍ਰਦੇਸ਼, ਝਾਰਖੰਡ, ਪੱਛਮੀ ਬੰਗਾਲ, ਸਿੱਕਮ, ਤੇਲੰਗਾਨਾ, ਅੰਦਰੂਨੀ ਕਰਨਾਟਕ ਅਤੇ ਬਿਹਾਰ ਵਿੱਚ 40-50 ਕਿਮੀ/ਘੰਟਾ ਤਕ ਹਵਾਵਾਂ ਚੱਲਣ ਦੀ ਸੰਭਾਵਨਾ ਹੈ।
ਨਾਗਾਲੈਂਡ, ਮਨੀਪੁਰ, ਮਿਜ਼ੋਰਮ, ਤ੍ਰਿਪੁਰਾ, ਅੰਡੇਮਾਨ-ਨਿਕੋਬਾਰ, ਲਕਸ਼ਦੀਪ, ਅਰੁਣਾਚਲ ਪ੍ਰਦੇਸ਼, ਪੁਡੂਚੇਰੀ ਅਤੇ ਕਰਾਈਕਲ ਵਿੱਚ ਵੀ ਗਰਜ-ਤੂਫ਼ਾਨ ਅਤੇ ਮੀਂਹ ਦੀ ਸੰਭਾਵਨਾ ਹੈ।
ਲੋਕਾਂ ਲਈ ਸਾਵਧਾਨ ਰਹਿਣਾ ਜਰੂਰੀ
ਮੌਸਮ ਵਿਭਾਗ ਵੱਲੋਂ ਜਾਰੀ ਅਲਰਟ ਨੂੰ ਧਿਆਨ ਵਿੱਚ ਰੱਖਦਿਆਂ, ਲੋਕਾਂ ਨੂੰ ਘਰਾਂ ਵਿੱਚ ਰਹਿਣ, ਜਰੂਰੀ ਸਾਧਨਾਂ ਦੀ ਪੂਰਤੀ ਰੱਖਣ ਅਤੇ ਖੁੱਲ੍ਹੀ ਥਾਵਾਂ ‘ਤੇ ਨ ਜਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਜਿਨ੍ਹਾਂ ਖੇਤਰਾਂ ‘ਚ Heavy Rain ਜਾਂ Strong Winds ਦੀ ਭਵਿੱਖਬਾਣੀ ਹੈ, ਉਥੇ ਜਾਨ-ਮਾਲ ਦੇ ਨੁਕਸਾਨ ਤੋਂ ਬਚਣ ਲਈ ਅਹਤਿਆਤ ਵਰਤਣੀ ਲਾਜ਼ਮੀ ਹੈ।
ਇਹ ਵੀ ਪੜ੍ਹੋ –
ਪੰਜਾਬ ਮੌਸਮ : ਇਹਨਾਂ 9 ਜ਼ਿਲ੍ਹਿਆਂ ਵਿੱਚ ਭਾਰੀ ਮੀਂਹ ਤੇ ਤੂਫਾਨ ਦੀ ਚੇਤਾਵਨੀ, ਮੌਸਮ ਵਿਭਾਗ ਦੀ ਤਾਜ਼ਾ ਅਪਡੇਟ
ਮਾਨਸੂਨ 2025: ਪੰਜਾਬ ‘ਚ ਕਦੋ ਪਹੁੰਚ ਸਕਦਾ ਮਾਨਸੂਨ, IMD ਵੱਲੋਂ ਭਾਰੀ ਮੀਂਹ ਦੀ ਚੇਤਾਵਨੀ। ..ਜਾਣੋ ਪੂਰੀ ਖ਼ਬਰ
ਸਰਕਾਰੀ ਮੁਲਾਜ਼ਮਾਂ ਲਈ ਵੱਡੀ ਖ਼ੁਸ਼ਖ਼ਬਰੀ: ਛੁੱਟੀਆਂ ਬਾਰੇ ਸਰਕਾਰ ਦਾ ਨਵਾਂ ਫੈਸਲਾ
