ਮਈ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ PMJJBY (ਪ੍ਰਧਾਨ ਮੰਤਰੀ ਜੀਵਨ ਜਯੋਤੀ ਬੀਮਾ ਯੋਜਨਾ) ਅਤੇ PMSBY (ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ) ਨਾਲ ਜੁੜੇ ਲਾਭਾਰਥੀਆਂ ਲਈ ਇੱਕ ਜ਼ਰੂਰੀ ਸੁਚਨਾ ਸਾਹਮਣੇ ਆਈ ਹੈ। ਜੇਕਰ ਤੁਸੀਂ ਇਨ੍ਹਾਂ ਕੇਂਦਰੀ ਯੋਜਨਾਵਾਂ ਦੇ ਲਾਭਪਾਤਰੀ ਹੋ, ਤਾਂ ਆਪਣੇ ਬੈਂਕ ਖਾਤੇ ਵਿੱਚ ਘੱਟੋ-ਘੱਟ ₹500 ਰੁਪਏ 31 ਮਈ 2025 ਤੋਂ ਪਹਿਲਾਂ ਰੱਖਣੇ ਲਾਜ਼ਮੀ ਹਨ। ਇਹ ਰਕਮ ਤੁਹਾਡੇ ਸਾਲਾਨਾ ਪ੍ਰੀਮੀਅਮ ਲਈ ਅਤਿ-ਮਹੱਤਵਪੂਰਨ ਹੈ, ਜਿੰਨ੍ਹਾਂ ਦੇ ਅਧਾਰ ‘ਤੇ ਤੁਹਾਨੂੰ 4 ਲੱਖ ਰੁਪਏ ਤੱਕ ਦਾ ਬੀਮਾ ਕਵਰ ਮਿਲ ਸਕਦਾ ਹੈ।
PMJJBY ਅਤੇ PMSBY: ਸਰਕਾਰ ਦੀਆਂ ਦੋ ਮੁੱਖ ਬੀਮਾ ਯੋਜਨਾਵਾਂ
ਦੋਵੇਂ ਸਕੀਮਾਂ 2015 ਵਿੱਚ ਸ਼ੁਰੂ ਕੀਤੀਆਂ ਗਈਆਂ ਸਨ ਅਤੇ ਇਹਨਾਂ ਰਾਹੀਂ ਲੋਕਾਂ ਨੂੰ ਘੱਟ ਪ੍ਰੀਮੀਅਮ ‘ਤੇ ਵੱਡਾ ਬੀਮਾ ਕਵਰ ਮੁਹੱਈਆ ਕਰਵਾਇਆ ਜਾਂਦਾ ਹੈ। ਜੇਕਰ ਤੁਸੀਂ ਸਮੇਂ ਸਿਰ ਆਪਣਾ ਪ੍ਰੀਮੀਅਮ ਜਮ੍ਹਾਂ ਨਹੀਂ ਕਰਵਾਉਂਦੇ, ਤਾਂ ਤੁਹਾਡੀ ਬੀਮਾ ਕਵਰੇਜ ਰੱਦ ਹੋ ਸਕਦੀ ਹੈ।
ਚੰਗੀ ਗੱਲ ਇਹ ਹੈ ਕਿ ਦੋਵੇਂ ਯੋਜਨਾਵਾਂ ਦਾ ਮਿਲਿਆ ਜੁਲਿਆ ਪ੍ਰੀਮੀਅਮ ₹500 ਤੋਂ ਵੀ ਘੱਟ ਹੈ।
Pradhan Mantri Jeevan Jyoti Bima Yojana (ਪ੍ਰਧਾਨ ਮੰਤਰੀ ਜੀਵਨ ਜਯੋਤੀ ਬੀਮਾ ਯੋਜਨਾ)
ਇਹ ਯੋਜਨਾ ਜੀਵਨ ਬੀਮਾ ਪ੍ਰਦਾਨ ਕਰਦੀ ਹੈ ਅਤੇ ਕਿਸੇ ਵੀ ਕਾਰਨ ਮੌਤ ਹੋਣ ਦੀ ਸਥਿਤੀ ਵਿੱਚ ₹2 ਲੱਖ ਰੁਪਏ ਦਾ ਕਵਰ ਦਿੰਦੀ ਹੈ। ਇਸ ਸਕੀਮ ਵਿੱਚ 18 ਤੋਂ 50 ਸਾਲ ਦੀ ਉਮਰ ਦੇ ਵਿਅਕਤੀ ਨਾਮ ਦਰਜ ਕਰਵਾ ਸਕਦੇ ਹਨ। ਜੇਕਰ ਕੋਈ ਵਿਅਕਤੀ 50 ਸਾਲ ਦੀ ਉਮਰ ਤੋਂ ਪਹਿਲਾਂ ਇਸ ਯੋਜਨਾ ਨਾਲ ਜੁੜ ਜਾਂਦਾ ਹੈ, ਤਾਂ ਉਹ 55 ਸਾਲ ਦੀ ਉਮਰ ਤੱਕ ਸਾਲਾਨਾ ₹436 ਪ੍ਰੀਮੀਅਮ ਦੇ ਕੇ ਲਾਭ ਲੈ ਸਕਦਾ ਹੈ।
ਇਹ ਵੀ ਪੜ੍ਹੋ – ਬੁਢਾਪੇ ਵਿੱਚ ਆਰਾਮਦਾਇਕ ਜੀਵਨ ਲਈ ਅੱਜ ਤੋਂ ਸ਼ੁਰੂ ਕਰੋ ਰਿਟਾਇਰਮੈਂਟ ਪਲੈਨਿੰਗ – ਪੂਰੀ ਜਾਣਕਾਰੀ ਇਥੇ ਪੜ੍ਹੋ
Pradhan Mantri Suraksha Bima Yojana (ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ)
ਇਹ ਇੱਕ ਦੁਰਘਟਨਾ ਬੀਮਾ ਯੋਜਨਾ ਹੈ ਜੋ 18 ਤੋਂ 70 ਸਾਲ ਦੀ ਉਮਰ ਦੇ ਲੋਕਾਂ ਲਈ ਹੈ। ਇਹ ਸਕੀਮ ਦੁਰਘਟਨਾ ਕਾਰਨ ਹੋਈ ਮੌਤ ਜਾਂ ਪੂਰੀ ਅਪੰਗਤਾ ਉਤੇ ₹2 ਲੱਖ ਰੁਪਏ ਅਤੇ ਅੰਸ਼ਕ ਅਪੰਗਤਾ ਉਤੇ ₹1 ਲੱਖ ਰੁਪਏ ਤੱਕ ਦਾ ਕਵਰ ਦਿੰਦੀ ਹੈ। ਇਸਦਾ ਸਾਲਾਨਾ ਪ੍ਰੀਮੀਅਮ ਸਿਰਫ ₹20 ਹੈ, ਜੋ ਕਿ ਆਮ ਆਦਮੀ ਲਈ ਵੀ ਬਹੁਤ ਸਸਤਾ ਹੈ।
ਨਾਮ ਦਰਜ ਕਰਨ ਅਤੇ ਭੁਗਤਾਨ ਦੀ ਪ੍ਰਕਿਰਿਆ
ਇਨ੍ਹਾਂ ਸਕੀਮਾਂ ਵਿੱਚ ਸ਼ਾਮਿਲ ਹੋਣ ਲਈ ਤੁਸੀਂ ਆਪਣੀ ਨਜ਼ਦੀਕੀ ਬੈਂਕ ਸ਼ਾਖਾ, ਬੈਂਕ ਮਿੱਤਰ (BC Point), ਬੈਂਕ ਦੀ ਵੈੱਬਸਾਈਟ ਜਾਂ ਡਾਕਘਰ (ਜੇਕਰ ਖਾਤਾ ਉੱਥੇ ਹੈ) ਰਾਹੀਂ ਵੀ ਅਰਜ਼ੀ ਦੇ ਸਕਦੇ ਹੋ।
ਪ੍ਰੀਮੀਅਮ ਦੀ ਰਕਮ ਤੁਹਾਡੇ ਬੈਂਕ ਖਾਤੇ ਵਿੱਚੋਂ ਹਰ ਸਾਲ ਆਪਣੀ ਮਿਆਦ ‘ਤੇ ਆਟੋਮੈਟਿਕ ਕੱਟੀ ਜਾਂਦੀ ਹੈ। ਇਸ ਲਈ ਇਹ ਯਕੀਨੀ ਬਣਾਉਣਾ ਜ਼ਰੂਰੀ ਹੈ ਕਿ 31 ਮਈ ਤੋਂ ਪਹਿਲਾਂ ਖਾਤੇ ਵਿੱਚ ਲੋੜੀਂਦੀ ਰਕਮ ਮੌਜੂਦ ਹੋਵੇ।
ਅੰਤਿਮ ਸਲਾਹ
ਜੇ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੀ PMJJBY ਅਤੇ PMSBY ਬੀਮਾ ਯੋਜਨਾ ਜਾਰੀ ਰਹੇ ਅਤੇ ਤੁਸੀਂ 4 ਲੱਖ ਰੁਪਏ ਤੱਕ ਦੇ ਕਵਰ ਤੋਂ ਵਾਂਝੇ ਨਾ ਰਹਿ ਜਾਓ, ਤਾਂ ਤੁਰੰਤ ਆਪਣੇ ਬੈਂਕ ਖਾਤੇ ਦੀ ਜਾਂਚ ਕਰੋ ਅਤੇ ਘੱਟੋ-ਘੱਟ ₹500 ਦੀ ਰਕਮ 31 ਮਈ 2025 ਤੋਂ ਪਹਿਲਾਂ ਉੱਥੇ ਹੋਣ ਯਕੀਨੀ ਬਣਾਓ।
ਨੋਟ – ਵਧੇਰੇ ਜਾਣਕਾਰੀ ਲਈ ਆਪਣੇ ਬੈਂਕ ਨਾਲ ਸੰਪਰਕ ਕਰਨਾ ਸਭ ਤੋਂ ਵਧੀਆ ਵਿਕਲਪ ਹੈ।
ਇਹ ਵੀ ਪੜ੍ਹੋ – PM Kisan Yojana 2025: ਕਿਸਾਨਾਂ ਨੂੰ 20ਵੀਂ ਕਿਸ਼ਤ ਦੇ ₹2000 ਕਦੋਂ ਬੈਂਕ ਖਾਤੇ ‘ਚ ਆਉਣਗੇ ? ਪੂਰੀ ਅਪਡੇਟ ਇੱਥੇ ਜਾਣੋ
8ਵੇਂ ਤਨਖਾਹ ਕਮਿਸ਼ਨ: ਕੇਂਦਰੀ ਕਰਮਚਾਰੀਆਂ ਲਈ ਵੱਡੀ ਖ਼ੁਸ਼ਖਬਰੀ, ਤਨਖਾਹ ਅਤੇ ਭੱਤਿਆਂ ‘ਚ ਹੋਵੇਗਾ ਵੱਡਾ ਵਾਧਾ!
ਨੌਕਰੀ ਵਿੱਚ ਗ੍ਰੈਚੁਟੀ ਦੀ ਗਣਨਾ: CTC ਵਿੱਚ ਇਹ ਕਿਵੇਂ ਸ਼ਾਮਲ ਹੁੰਦੀ ਹੈ? ਪੂਰੀ ਜਾਣਕਾਰੀ ਲਵੋ!
