ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਮੌਜੂਦਾ ਤਣਾਅ ਭਰੀ ਸਥਿਤੀ ਨੇ ਨਵੀਆਂ ਸੁਰੱਖਿਆ ਚੁਣੌਤੀਆਂ ਨੂੰ ਜਨਮ ਦਿੱਤਾ ਹੈ। ਪਹਿਲਗਾਮ ਹਮਲੇ ਤੋਂ ਬਾਅਦ ਦੋਹਾਂ ਦੇਸ਼ਾਂ ਵਿਚਕਾਰ ਹਾਲਾਤ ਬੇਹੱਦ ਸੰਵੇਦਨਸ਼ੀਲ ਬਣ ਚੁੱਕੇ ਹਨ। ਏਸੇ ਸੰਭਾਵੀ ਖਤਰੇ ਨੂੰ ਭਾਂਪਦੇ ਹੋਏ, ਭਾਰਤ ਸਰਕਾਰ ਨੇ ਮਾਕ ਡਰਿੱਲ (Mock Drill) ਰਾਹੀਂ ਆਪਣੀਆਂ ਸੁਰੱਖਿਆ ਤਿਆਰੀਆਂ ਦਾ ਅੰਦਾਜ਼ਾ ਲੈਣ ਦਾ ਫੈਸਲਾ ਕੀਤਾ ਹੈ।
ਕੇਂਦਰ ਸਰਕਾਰ ਵੱਲੋਂ ਵੱਡਾ ਫੈਸਲਾ, 7 ਮਈ ਨੂੰ ਚੱਲਣਗੇ ਜੰਗੀ ਸਾਇਰਨ
ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ 7 ਮਈ, 2025 ਨੂੰ ਦੇਸ਼ ਦੇ ਕਈ ਰਾਜਾਂ ਵਿੱਚ ਮਾਕ ਡਰਿੱਲ ਕਰਵਾਉਣ ਦੇ ਨਿਰਦੇਸ਼ ਜਾਰੀ ਕੀਤੇ ਹਨ। ਇਸ ਦੌਰਾਨ ਹਵਾਈ ਹਮਲੇ ਦੀ ਚੇਤਾਵਨੀ ਦੇਣ ਵਾਲੇ ਸਾਇਰਨ ਵੱਜਣਗੇ, ਜਿਸ ਰਾਹੀਂ ਨਾਗਰਿਕਾਂ ਨੂੰ ਸੰਭਾਵੀ ਜੰਗੀ ਹਾਲਾਤਾਂ ਲਈ ਤਿਆਰ ਕੀਤਾ ਜਾਵੇਗਾ।
ਮਾਕ ਡਰਿੱਲ ਦਾ ਉਦੇਸ਼ ਕੀ ਹੈ?
ਇਹ ਮਾਕ ਡਰਿੱਲ ਕਿਸੇ ਵੀ ਅਚਾਨਕ ਹਮਲੇ ਜਾਂ ਸੰਕਟਕਾਲੀਨ ਸਥਿਤੀ ਵਿੱਚ ਲੋਕਾਂ ਨੂੰ ਸੁਰੱਖਿਅਤ ਬਣਾਉਣ ਲਈ ਇੱਕ ਪ੍ਰੈਕਟਿਸ ਹੈ। ਇਸ ਅਭਿਆਸ ਦੌਰਾਨ:
- ਹਵਾਈ ਹਮਲਿਆਂ ਦੀ ਚੇਤਾਵਨੀ ਜਾਰੀ ਕੀਤੀ ਜਾਵੇਗੀ
- ਐਮਰਜੈਂਸੀ ਬਲੈਕਆਊਟ ਦੇ ਪ੍ਰਬੰਧ ਕੀਤੇ ਜਾਣਗੇ
- ਵਿਦਿਆਰਥੀਆਂ ਅਤੇ ਆਮ ਲੋਕਾਂ ਨੂੰ ਸਿਵਲ ਡਿਫੈਂਸ ਤਕਨੀਕਾਂ ਸਿਖਾਈਆਂ ਜਾਣਗੀਆਂ
- ਦੁਸ਼ਮਣ ਦੀ ਨਿਗਰਾਨੀ ਤੋਂ ਬਚਾਅ ਲਈ ਐਮਰਜੈਂਸੀ ਪ੍ਰੋਟੋਕੋਲ ਲਾਗੂ ਕੀਤੇ ਜਾਣਗੇ
244 ਸ਼ਹਿਰ ਹੋਣਗੇ ਮਾਕ ਡਰਿੱਲ ਦਾ ਹਿੱਸਾ
ਭਾਰਤ ਭਰ ਦੇ 244 ਸ਼ਹਿਰਾਂ ਵਿੱਚ ਇਹ ਮਾਕ ਡਰਿੱਲ ਕੀਤੀ ਜਾਵੇਗੀ। ਇਹ ਐਸਾ ਸਮਾਂ ਹੈ ਜਦੋਂ ਪਾਕਿਸਤਾਨ ਨੂੰ ਇਹ ਡਰ ਸਤਾ ਰਿਹਾ ਹੈ ਕਿ ਭਾਰਤ ਪਹਿਲਗਾਮ ਹਮਲੇ ਦਾ ਬਦਲਾ ਲੈ ਸਕਦਾ ਹੈ। ਇਸ ਲਈ ਭਾਰਤ ਨੇ ਕਿਸੇ ਵੀ ਹਾਲਤ ਲਈ ਆਪਣੀ ਤਿਆਰੀ ਦਰੁਸਤ ਕਰਨ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ – 7 ਮਈ ਨੂੰ ਹਰਿਆਣਾ ਦੇ 11 ਜ਼ਿਲ੍ਹਿਆਂ ‘ਚ ਵੱਡਾ ਮੌਕ ਡ੍ਰਿਲ ਅਭਿਆਸ, ਸਾਇਰਨ-ਬਲੈਕਆਊਟ ਤੇ ਇਨ੍ਹਾਂ 5 ਗੱਲਾਂ ‘ਤੇ ਰਹੋ ਸਾਵਧਾਨ
ਪੰਜਾਬ ਦੇ ਇਨ੍ਹਾਂ ਜ਼ਿਲ੍ਹਿਆਂ ਵਿੱਚ ਵੱਜਣਗੇ ਜੰਗੀ ਸਾਇਰਨ (Punjab Mock Drill Cities)
ਮਾਕ ਡਰਿੱਲ ਵਿੱਚ ਪੰਜਾਬ ਦੇ ਕਈ ਜ਼ਿਲ੍ਹੇ ਸ਼ਾਮਲ ਕੀਤੇ ਗਏ ਹਨ, ਜਿੱਥੇ 7 ਮਈ ਨੂੰ ਸਾਇਰਨ ਵੱਜਣਗੇ ਅਤੇ ਐਮਰਜੈਂਸੀ ਅਭਿਆਸ ਕੀਤਾ ਜਾਵੇਗਾ। ਇਨ੍ਹਾਂ ਜ਼ਿਲ੍ਹਿਆਂ ਵਿੱਚ ਸ਼ਾਮਲ ਹਨ:
- ਅੰਮ੍ਰਿਤਸਰ
- ਬਠਿੰਡਾ
- ਫਿਰੋਜ਼ਪੁਰ
- ਗੁਰਦਾਸਪੁਰ
- ਹੁਸ਼ਿਆਰਪੁਰ
- ਜਲੰਧਰ
- ਲੁਧਿਆਣਾ
- ਪਟਿਆਲਾ
- ਬਰਨਾਲਾ
- ਭਾਖੜਾ ਨੰਗਲ
- ਹਲਵਾਰਾ
- ਕੋਠਕਪੁਰ
- ਬਟਾਲਾ
- ਮੋਹਾਲੀ
- ਅਬੋਹਰ
- ਫਰੀਦਪੁਰ
- ਰੋਪੜ
- ਸੰਗਰੂਰ
ਮਾਕ ਡਰਿੱਲ ਭਾਰਤ (Mock Drill in India) ਦੀ ਇਹ ਤਿਆਰੀ ਨਾ ਸਿਰਫ਼ ਜੰਗੀ ਖਤਰੇ ਦੇ ਧਿਆਨ ਵਿੱਚ ਰੱਖਦੀ ਹੈ, ਬਲਕਿ ਨਾਗਰਿਕਾਂ ਦੀ ਜਾਨ ਅਤੇ ਜਾਇਦਾਦ ਦੀ ਰੱਖਿਆ ਲਈ ਇੱਕ ਜ਼ਰੂਰੀ ਕਦਮ ਵੀ ਹੈ। ਇਹ ਦੱਸਦਾ ਹੈ ਕਿ ਭਾਰਤ ਕਿਸੇ ਵੀ ਹਾਲਤ ਨਾਲ ਨਜਿੱਠਣ ਲਈ ਚੁਸਤ ਤੇ ਤਿਆਰ ਹੈ।
ਇਹ ਵੀ ਪੜ੍ਹੋ – ਭਾਰਤ-ਪਾਕਿਸਤਾਨ ਤਣਾਅ ‘ਤੇ United Nations ਦੀ ਸੀਕ੍ਰੇਟ ਮੀਟਿੰਗ, ਜਾਣੋ ਕੀ ਹੋਇਆ ਬੰਦ ਦਰਵਾਜਿਆਂ ਦੇ ਪਿੱਛੇ
ਹੋਲੀ 2025: ਸ਼ਰਾਬ ਦੀਆਂ ਦੁਕਾਨਾਂ ‘ਤੇ ਪਾਬੰਦੀ, ਜਾਣੋ ਕਿੰਨੇ ਦਿਨ ਰਹਿਣਗੀਆਂ ਬੰਦ!
