ਭਾਰਤ ਨੇ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਹਾਲੀਆ ਅੱਤਵਾਦੀ ਹਮਲੇ ਦਾ ਕਰਾਰਾ ਜਵਾਬ ਦਿੰਦਿਆਂ ਬੁੱਧਵਾਰ ਸਵੇਰੇ ਪਾਕਿਸਤਾਨ ਅਤੇ ਪਾਕਿਸਤਾਨ ਕਬਜ਼ੇ ਵਾਲੇ ਕਸ਼ਮੀਰ (PoK) ਵਿੱਚ ਅੱਤਵਾਦੀ ਠਿਕਾਣਿਆਂ ‘ਤੇ ਹਮਲਾ ਕੀਤਾ। ਇਸ ਫੌਜੀ ਅਭਿਆਨ ਨੂੰ “Operation Sindoor” (ਆਪਰੇਸ਼ਨ ਸਿੰਦੂਰ) ਦਾ ਨਾਮ ਦਿੱਤਾ ਗਿਆ। ਸਿਰਫ਼ ਕਾਰਵਾਈ ਹੀ ਨਹੀਂ, ਸਗੋਂ ਇਸ ਦੇ ਨਾਮ ਦੇ ਰਾਹੀਂ ਭਾਰਤ ਨੇ ਦੁਨੀਆ ਅੱਗੇ ਇੱਕ ਗਹਿਰੀ ਭਾਵਨਾ ਵੀ ਪ੍ਰਗਟ ਕੀਤੀ ਹੈ।
“ਆਪਰੇਸ਼ਨ ਸਿੰਦੂਰ” ਨਾਂ ਦੇ ਪਿੱਛੇ ਦੀ ਸੰਵੇਦਨਸ਼ੀਲਤਾ
ਭਾਰਤੀ ਫੌਜ ਵੱਲੋਂ ਜਾਰੀ ਕੀਤੀ ਗਈ ਇੱਕ ਚਿੱਤਰ ਵਿੱਚ “ਆਪਰੇਸ਼ਨ ਸਿੰਦੂਰ” ਸ਼ਬਦ ਨੂੰ ਵੱਡੇ ਅੱਖਰਾਂ ਵਿੱਚ ਦਰਸਾਇਆ ਗਿਆ ਹੈ, ਜਿਸ ‘ਚ ‘O’ ਦੀ ਥਾਂ ਸਿੰਦੂਰ ਨਾਲ ਭਰੀ ਹੋਈ ਇੱਕ ਕਟੋਰੀ ਦਿਖਾਈ ਗਈ ਹੈ। ਇਹ ਕੋਈ ਆਮ ਨਾਂ ਨਹੀਂ, ਸਗੋਂ ਇਸ ਰਾਹੀਂ ਭਾਰਤ ਦੀ ਸੰਸਕ੍ਰਿਤਿਕ ਅਤੇ ਸਮਾਜਿਕ ਭਾਵਨਾ ਨੂੰ ਦਰਸਾਇਆ ਗਿਆ ਹੈ।
ਭਾਰਤੀ ਸਮਾਜ ਵਿੱਚ ਵਿਆਹਿਤ ਔਰਤਾਂ ਆਪਣੀ ਮੰਗ ਵਿੱਚ ਸਿੰਦੂਰ ਲਾਉਂਦੀਆਂ ਹਨ, ਜੋ ਉਹਨਾਂ ਦੇ ਸੁਹਾਗ ਅਤੇ ਜੀਵਤ ਵਿਆਹਿਕ ਜੀਵਨ ਦੀ ਨਿਸ਼ਾਨੀ ਹੁੰਦੀ ਹੈ। ਇਹ ਅਭਿਆਨ ਉਨ੍ਹਾਂ ਔਰਤਾਂ ਦੀ ਚੀਖ਼ ਦਾ ਪ੍ਰਤੀਕ ਬਣਿਆ ਜਿਨ੍ਹਾਂ ਦੇ ਪਤੀ ਪਹਿਲਗਾਮ ਹਮਲੇ ਵਿੱਚ ਬੇਰਹਮੀ ਨਾਲ ਮਾਰੇ ਗਏ।
ਇਹ ਵੀ ਪੜ੍ਹੋ – ਅਪਰੇਸ਼ਨ ਸਿੰਦੂਰ ਦੇ ਬਾਅਦ ਪੰਜਾਬ ‘ਚ ਸੁਰੱਖਿਆ ਅਲਰਟ, ਸਕੂਲ ਬੰਦ ਤੇ ਮੁਲਾਜ਼ਮਾਂ ਦੀਆਂ ਛੁੱਟੀਆਂ ਰੱਦ
ਪਹਿਲਗਾਮ ਹਮਲਾ: ਨਿਰਦੋਸ਼ ਲੋਕਾਂ ‘ਤੇ ਕਤਲ-ਏਆਮ
22 ਅਪ੍ਰੈਲ ਨੂੰ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਖੇਤਰ ਵਿੱਚ ਅੱਤਵਾਦੀਆਂ ਨੇ ਇਕ ਖੂਨੀ ਹਮਲਾ ਕੀਤਾ, ਜਿਸ ਵਿੱਚ 26 ਨਿਰਦੋਸ਼ ਲੋਕ ਮਾਰੇ ਗਏ। ਹਮਲੇ ਦੇ ਗਵਾਹਾਂ ਦੇ ਅਨੁਸਾਰ, ਅੱਤਵਾਦੀਆਂ ਨੇ ਲੋਕਾਂ ਨੂੰ ਘੇਰ ਕੇ ਉਹਨਾਂ ਦਾ ਧਰਮ ਪੁੱਛਿਆ ਅਤੇ ਫਿਰ ਉਹਨਾਂ ਦੀਆਂ ਪਤਨੀਆਂ ਤੇ ਬੱਚਿਆਂ ਦੇ ਸਾਹਮਣੇ ਉਨ੍ਹਾਂ ਦੀ ਹੱਤਿਆ ਕਰ ਦਿੱਤੀ। ਇਸ ਹਮਲੇ ਨੇ 25 ਔਰਤਾਂ ਨੂੰ ਵਿਧਵਾ ਕਰ ਦਿੱਤਾ, ਜਿਨ੍ਹਾਂ ਵਿੱਚੋਂ ਇੱਕ ਦਾ ਵਿਆਹ ਸਿਰਫ਼ ਕੁਝ ਦਿਨ ਪਹਿਲਾਂ ਹੀ ਹੋਇਆ ਸੀ।
ਭਾਰਤ ਦਾ ਮੁੱਠਤੋੜ ਜਵਾਬ: 9 ਟਿਕਾਣਿਆਂ ‘ਤੇ ਸਿੱਧੇ ਹਮਲੇ, 100 ਤੋਂ ਵੱਧ ਅੱਤਵਾਦੀ ਮਾਰੇ ਗਏ
ਆਪਰੇਸ਼ਨ ਸਿੰਦੂਰ ਦੇ ਤਹਿਤ ਭਾਰਤੀ ਫੌਜ ਨੇ ਪਾਕਿਸਤਾਨ ਅਤੇ ਪੀਓਕੇ ਦੇ 7 ਵੱਖ-ਵੱਖ ਸ਼ਹਿਰਾਂ ‘ਚ ਮੌਜੂਦ 9 ਅੱਤਵਾਦੀ ਅੱਡਿਆਂ ‘ਤੇ ਸਿੱਧਾ ਹਮਲਾ ਕੀਤਾ। ਇਸ ਕਾਰਵਾਈ ਵਿੱਚ 100 ਤੋਂ ਵੱਧ ਅੱਤਵਾਦੀ ਢੇਰ ਹੋਏ, ਜੋ ਕਿ ਭਾਰਤ ਵੱਲੋਂ ਕੀਤੀ ਗਈ ਇੱਕ ਵੱਡੀ ਰਣਨੀਤਕ ਕਾਰਵਾਈ ਹੈ।
ਸਿੰਦੂਰ: ਇਨਸਾਫ ਦੀ ਨਵੀਂ ਪਛਾਣ
ਸਿੰਦੂਰ ਸਿਰਫ਼ ਸੁਹਾਗ ਦੀ ਨਿਸ਼ਾਨੀ ਨਹੀਂ ਰਹਿ ਗਿਆ, ਸਗੋਂ ਇਸ ਅਭਿਆਨ ਰਾਹੀਂ ਉਹ ਇਨਸਾਫ ਅਤੇ ਜਵਾਬਦੇਹੀ ਦਾ ਪ੍ਰਤੀਕ ਬਣ ਗਿਆ ਹੈ। ਭਾਰਤ ਨੇ ਸੰਸਾਰ ਨੂੰ ਇਹ ਸੁਨੇਹਾ ਦਿੱਤਾ ਹੈ ਕਿ ਉਨ੍ਹਾਂ ਦੀ ਚੁੱਪ ਚੀਖ਼ ਨੂੰ ਅਣਦੇਖਾ ਨਹੀਂ ਕੀਤਾ ਜਾਵੇਗਾ, ਅਤੇ ਨਿਰਦੋਸ਼ਾਂ ਦੇ ਖ਼ਿਲਾਫ਼ ਹੋਈ ਹਿੰਸਾ ਦਾ ਸਖ਼ਤ ਜਵਾਬ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ – Mock Drill 2025: ਪੰਜਾਬ ਦੇ ਕਿਹੜੇ-ਕਿਹੜੇ ਜ਼ਿਲ੍ਹਿਆਂ ‘ਚ 7 ਮਈ ਨੂੰ ਵੱਜਣਗੇ ਜੰਗੀ ਸਾਇਰਨ? ਪੂਰੀ ਲਿਸਟ ਤੇ ਤਾਜ਼ਾ ਅਪਡੇਟ ਇੱਥੇ ਦੇਖੋ
ਭਾਰਤ-ਪਾਕਿਸਤਾਨ ਤਣਾਅ ‘ਤੇ United Nations ਦੀ ਸੀਕ੍ਰੇਟ ਮੀਟਿੰਗ, ਜਾਣੋ ਕੀ ਹੋਇਆ ਬੰਦ ਦਰਵਾਜਿਆਂ ਦੇ ਪਿੱਛੇ
